ذكرى مولدي

اليوم 15 / 11

يوافق يوم مولدي

مزاجي متعكر مع بداية هذا اليوم ..

لا اعلم اهو شؤم ام صدفه ..!

هذا اليوم لايعني لي شيئاً .. إلا انني انضفت لهذا الكون الوااااسع بنفس هذا التاريخ ..!

PowerShot SX200 IS

الحمد لله

امس شريت كامرتي ..

canon PowerShot SX200 IS

بصراحه الكاميرا قليل عليها روووعه ..

وفيه منها ثلاث الوان .. وحجمها صغير ..

انا إلى الحين ما شيكت عليها كلها .. بس الصور اللي صورتها لحد الآن رهييبه ..

 

مواضيع قد تفيدك بخصوص الكاميرا ..

كاميرا كانون كيف تشتري الأفضل

مواصفات الكاميرا

كاميرا منافسة لـg10

http://vb.eqla3.com/showthread.php?t=407478

تبين بدل؟

اليوم جاني اتصال من ادارة التعليم بالمنطقة ..

اول ماشفت رقمهم بغيت اطير من الفرحة …

رديت .. قال جاك بدل استثاء في مدينة تبعد عني حوالي ثلث ساعة .. في مجمع متوسط وثانوي ..

قلت حلوووو ..

قال بس مدته 3 شهور !!! ولا فيه تجديد ..

تبين او لا ؟؟

انا صراحه بغيت اصيح .. نفسي فيها من زماااااااان .. بس مدتها قليلة مقارنة مع عقدي المفتوح …

قلت : لا

الله يعوضني خير ان شاء الله ..

عيد سعيد للجميع

مكة في اليابان …!

الحمد لله اللي يسر لي العمرة في هالشهر المبارك ..

الله يتقبل منا ومن جميع المسلمين ..

مع ان الصحة محذرة من العمرة لأنتشار الامراض ..

إلا أني اول مرة اشوف مكة زحمه كذا …!

الايام اللي فاتت .. كنت اتابع وبشده برنامج خواطر 5 ..

وهذا اللي سبب لي صدمة !!

طول الفترة من جدة لمكة .. وانا افكر ..

لو مكة في اليابان .. وش رايح يكون شكلها ؟؟

جد والله ..

نفس ماهي .. او احسن ..

التوسعة الحين كبيرة وجبارة ماقلنا شي .. بس فوضى والسكن ما فيه ودورات المياه

اعزكم الله سيئة جداً ..

واللي موتني ضحك  ، مر جنبنا باص خط البلدة المشهور ..

امي تناظر فيه بيأس .. تقول تتوقعين في اليابان عندهم خط البلدة ؟؟ هههههههه

بس احسن موقف صار لنا في مكة .. في رحلة العودة ..

مع اذان الظهر صلينا بسرعه وركبنا الطيارة ع الرياااض  ..

لحظة !! نسينا ابوي في المطار  .. جالس يصلي هههههههههههه

لكن الحمد لله جاء بعدنا بساعه .. هههههه

والله من جيت من مكة وانا شاكة في نفسي  “” مزكمة  ومرهقه اتوقع انها انفلونزا الخنازير “”

.. ما احد جلس عندي .. الكل ينحاااش .. يقولون حتى صوتك متغير ..

الله يستر بس ..

بروح انـــام  شوي …

فتكم بعافيه

* بعد قراءة لهذي التدوينة اغسل يديك جيدا بالصابون ..!

اجازتي السنوية :)

اتمتع  هذا الشهر .. شهر رمضان …

بإجازتي .. والي بدأت من قبل رمضان باسبوع .. إلى بداية الدراسة  في شوال ..

من زمااان عن حالة السهر والفله ..

صح ان العطاله مضيعة للوقت .. بس حلو الواحد انه يأخذ استراحة “محارب” ..!

وخاصة في رمضان .. للعبادة والطاعة ..

وحتى يرجع للعمل بنشاط ..

طبعا بما ان اسمي ماطلع في الديوان ..

فما لي الا اني ارجع لوظيفتي الادارية ..

الله يعينا ويوفقنا لكل خير ..

مقابلتي في بنك الراجحي ..

أمس كان عندي مقابلة في بنك الراجحي

في القسم الرئيسي

في العقارية ..

 

كنت انا وبنتين معي بس للمقابله  ( انا رياضيات ، ووحده دراسات ، والثانيه حاسب )

 

اول ما دخلت اعطتني الموظفه اسئلة باللغة الانجليزية والاجابه بتظليل الارقام في الورقه الثانية

ومدته نصف ساعه ..

بعدها امتحان ثاني عن علاقة الموظف بالعملاء ونفس الشي نص ساعه

بعدها امتحان في مسائل رياضيه بسيطه ..

ثم اعطتنا ورقتين مثل بعض بس وحده مكتوبه بخط مثل خط اليد والثانية بالكمبيوتر .. وتقول طلعي الاخطاء بين الورقتين .. كانوا تقريبا 3 جداول كاااملة في سبع دقايق بس ..

انا خلااااص أحولت عيوني من الاوراق… من اختبار في اختبار .. حوالي 3 ساعات !!!

 

بعد ما خلصنا .. قالت تفضلي للمقابله !!

 

سألتني أسئلة  مثل كل المقايلات ..

 

ليش قدمتي على البنك؟

ليش تركتي وظيفتك السابقة وجيتي هنا؟

كم راتبك السابق؟

عندك حساب في الراجحي؟

وش الوسائل اللي تستخدمينها على حسابك ؟ ( مباشر الأفراد ، الهاتف المصرفي )

وش نظرتك لنفسك بعد 3 سنوات ؟؟ انا هنا قلت بصير مديرة الفرع ثثثثث

كم تتوقعين نعطيك راتب ؟

 

يعني المقابلة ما خذت ولا 3 دقايق بس ..

 

طلعت وانا فرحااااااانه … كان كل شي حلووو الامتحان والمقابله .. 

 

وصلت للبيت .. وقبل لا اشيل عباتي .. وصلني مسج يقول :

(( نعتذر لعدم قبول طلبك .. لعدم اجتيازك الاختبارات المبدئية !!! )  بنك الراجحي ..

 

يله الحمد لله .. هم الخسرانين .. لانهم فرطوا في موظفه مجتهدة مثلي !!!

 

   والمثل يقول : خلك على وظيفتك الوعه .. لايجيك اللي اوع منها

 

في حفظ الله

مبروك التخرج

انضم للعائلة حديثاً .. عاطل جديد ..

ليصبح عدد العاطلين في البيت شخصين !!

الف مبرووك التخرج مجوووود …

تمنيت ان الحفلة تكون اكبر وأحلى .. لكن الوعد بعد الامتحانات ان شاء الله ..

الله يوفقك ..

وظفونا ولا سفرونا…..!

عيد الجهني (سبق) الرياض: أطلق شبان سعوديون عاطلون عن العمال حملة أطلقوا عليها “وظفونا ولا سفرونا” ، وتحدث عدد من القائمين على الحملة لـ “سبق” قائلين:  الهدف الأساسي هو تأمين فرص وظيفية للشباب السعودي في بعض الدول ويكون المسؤول عنها مكتب العمل لأنه أثبت فشله الذريع في توظيف الشاب السعودي بالداخل ولزاماً عليه تأمين عروض خارجية”.
وقال عدد من الشبان لـ “سبق” أنهم سئموا من البطالة وكثيراً ما وضعوا في مواقف محرجه مع أسرهم ، وقال آخر رمز لنفسه بـ) م.م.ن) أنه سأم من المكوث في المنزل كشقيقاته ، فطوله لا يتجاوز 163 سم وكثيراً ماتم رفضه من العمل في الخدمة العسكرية بسبب هذا الطول.وأضاف: عشقي هو أن اقوم على خدمة وطني وأن أكون حارس على أحد ثغوره فعمر الطول لم يكن مقياساً للرجولة” .
ويقول آخر:” العمل في القطاع الخاص بالسعودية أصبح شبح بالنسبة للعاملين فيه فليس هناك إحساس بالأمان الوظيفي ، ناهيك عن الراتب الضئيل والحوافز المهدرة وتسريح الموظفين لأتفه الأسباب .”

المصدر

عام جديد في التدوين

في هذا الشهر ..

أكملت مدونتي عامها الأول في الووردبريس ..

بحصيلة ..

15.284  زائر..

117 بوست

743 تعليق

6 تصنيفات

143 وسم

أكبر عدد للمتواجدين في وقت واحد 7 عاطلين

زياراتكم وتعليقاتكم  ووقوفكم معي ..اسعدني  كثيراً …