مقابلتي في بنك الراجحي ..

20 07 2009

أمس كان عندي مقابلة في بنك الراجحي

في القسم الرئيسي

في العقارية ..

 

كنت انا وبنتين معي بس للمقابله  ( انا رياضيات ، ووحده دراسات ، والثانيه حاسب )

 

اول ما دخلت اعطتني الموظفه اسئلة باللغة الانجليزية والاجابه بتظليل الارقام في الورقه الثانية

ومدته نصف ساعه ..

بعدها امتحان ثاني عن علاقة الموظف بالعملاء ونفس الشي نص ساعه

بعدها امتحان في مسائل رياضيه بسيطه ..

ثم اعطتنا ورقتين مثل بعض بس وحده مكتوبه بخط مثل خط اليد والثانية بالكمبيوتر .. وتقول طلعي الاخطاء بين الورقتين .. كانوا تقريبا 3 جداول كاااملة في سبع دقايق بس ..

انا خلااااص أحولت عيوني من الاوراق… من اختبار في اختبار .. حوالي 3 ساعات !!!

 

بعد ما خلصنا .. قالت تفضلي للمقابله !!

 

سألتني أسئلة  مثل كل المقايلات ..

 

ليش قدمتي على البنك؟

ليش تركتي وظيفتك السابقة وجيتي هنا؟

كم راتبك السابق؟

عندك حساب في الراجحي؟

وش الوسائل اللي تستخدمينها على حسابك ؟ ( مباشر الأفراد ، الهاتف المصرفي )

وش نظرتك لنفسك بعد 3 سنوات ؟؟ انا هنا قلت بصير مديرة الفرع ثثثثث

كم تتوقعين نعطيك راتب ؟

 

يعني المقابلة ما خذت ولا 3 دقايق بس ..

 

طلعت وانا فرحااااااانه … كان كل شي حلووو الامتحان والمقابله .. 

 

وصلت للبيت .. وقبل لا اشيل عباتي .. وصلني مسج يقول :

(( نعتذر لعدم قبول طلبك .. لعدم اجتيازك الاختبارات المبدئية !!! )  بنك الراجحي ..

 

يله الحمد لله .. هم الخسرانين .. لانهم فرطوا في موظفه مجتهدة مثلي !!!

 

   :( والمثل يقول : خلك على وظيفتك الوعه .. لايجيك اللي اوع منها

 

في حفظ الله

About these ads

الإجراءات

Information

28 responses

20 07 2009
شموخ

انا ما ادري على اي اساس يختارون الموظف المناسب؟
مع ان مستواي في حل الامحان كان ممتاز ..
والمقابلة بعد كانت جداً رائعه ..

(الحمد لله على كل حال )

21 07 2009
عبد الرحمن

السلام عليكم ورحمة الله وبركاته

يلا أختي مش مشكله ، مثل هذه
الإختبارات الغريبة لا أؤمن بها ولا
أرى لها أي داعي وأنا أعتبرها مجرد
تقليد للآخرين ، يعني هم في الغرب
سوو هالاختبارات الغريبه والأسئلة
العجيبه واحنا قلدناهم بدون منعرف
إيش فيادتها أو اشلون الطريقة المثلى
للإستفادة منها ….

يشرفني زيارتك لمدونتي الجديدة
والتعليق عليها …

http://actualfact.wordpress.com

21 07 2009
تفاحةM!ss

يختي خليها على الله ..
الله يرزقك بوظيفة أحسن منها..

21 07 2009
NjOoo

مشششي حالك شموخ !!
هنا عندنا ناس ماتعترف لا بقدارات ولا باختبار ولا بشيء !!!

الله يرزقك ويفتحها بوجهك :)

22 07 2009
الشيف

معليش الله يرزقك بوظيفه حلوة

وطبعا وظيفتنا أحلى شيء

الله يقطع بليسك ياشموخ ما قدرت أكتب من الرجه إللي سويتيها

الله يوفقك ياعمري

22 07 2009
شموخ

عبدالرحمن
شكرا لتشريفك العطر..

تفاحه ..
آمين يارب وكل العاطلين .. والموظفين العاطلين بعد ثثث

22 07 2009
شموخ

نجو
آمين يارب ..
وينك فيه ؟؟ لابسه قبعة الاخفاء ؟؟ اشتقت لتدويناتك :(

الشيف ..
ثثثثثثثثثثثثثثثثثثثثثثثثثثثثثث
شسوي لك؟؟
اول مرة احس اني اشتغل شغلة احبها ..! خليني افرح شوي :)
الله يوفقنا يارب

22 07 2009
دلع العقيق

يعوضك ربنا بأحسن منها يا رب
وتشتغلي في مكان آحلى و آحسن و آرقى
ويخف تجمع العاطلين ترا صار زحمه هههههه
آمين يا رب العالمين أدعي معي ^_^

22 07 2009
Photon

سخافه بصراحه !!!!!
الله يعوضك بافضل منها حبيبتي ..

22 07 2009
شموخ

دلع العقيق ..
آآمين يارب .. اجل زحمه اجل ؟؟ ثثثثثثثث

فتووون
الله يرضى عليك .. شكرا لحضورك

23 07 2009
ماجد

فعلا هم الخسرانين

ولعل عدم حصولك على هذي الوظيفة لأنك ان شاء الله تحصلين على احسن منها مستقبلا

الحمدلله على كل حال … و لا تكدرين خاطرك

بالتوفيق

23 07 2009
شموخ

ماجد
ان شاء الله ..
عندي احساس قوي ان وظيفتي بتكون هالسنة ..
دعواتك

3 08 2009
!..عانديهم..!

@@

شهالاختبااار الي مايمديني اوصل البيت الي معطيني النتييجه جان زين امتحانات الثانويه جذي

مااعلييج منهم حاااصلهم هم =)

يالله الله يووفقك يااربييي بوظيفه ابرك منهااا =)

3 08 2009
شموخ

عانديهم
آآمين يارب واياك وكل العاطلين :(

4 08 2009
محبة لربها

هلا أنا اختكم في الله أنا أرغب التقديم على وظيفة في البنك ولا أعرف كيف وين يتم التقديم
على الوظيفة في البنك هل ساعدتموني جزاكم اللة خير المكان الي يقدمون فية أوإ ستمارت وين الاقيها أنا من الراياض خريجة بكلوريوس تربية تخصص جغرافيا لي خبرات ودورة في الحاسب الالي كتبت عام15/7/1430
أرجو ارد على سؤالي أخواتي الي قدمت على البنك

4 08 2009
شموخ

هلا اختي محبة لربها

اتوقع انهم يبون تخصصات مثل رياضيات او حاسب او محاسبة ..
بس جربي..
خذي اوراقك ووديها لأقرب فرع وقدمي عليهم .. يرفعون اوراقك ولما يحتاجون بيدقون عليك اكيد ..
وبعد قدمي على موقعهم زيادة ..

http://www.alrajhibank.com.sa/ar/Careers/Pages/default.aspx

مكتبهم الرئيسي للقسم النسائي في العقارية الثالثه الدور الثالث ..

الله يوفقك يارب

5 08 2009
نسائم النعيم

معليش أختي ” وعسى أن تكرهوا شيئاً و هو خير لكم”..
يمكنها الخيرة و أنت ما تدرين.. :|

بعدين.. متى طلع المثل الجديد..
خلك على و ظيفتك الوعة لا يجيك اللي أوع منها :D

..يشرفني زيارتك لمدونتي ^^

9 08 2009
ساره

بسم الله الرحمن الرحيم
حبيبتي انا موظفه ببنك الراجحي
الله يوفقك ان شا الله بس اذا تبغي نصيحتي
لا تفكري تشتغلي ببنك سواء الراجحي او غيره
لانهم راح يسحبون طاقتك ومجهودك لاخر قطره وتلاقي نفسك كانك عمرك خمسين
وانتي لسا بالعشرين
الله يرزقك ان شا الله وباقرب وقت

10 08 2009
شموخ

نسائم النعيم
مشكورة يالغاليه ماتقصرين ..

سارة
صاادقه والله ..
بس احنا لقينا وظيفه ؟؟

17 08 2009
♣ S.A.R.A.H ♣

الحمد للله ، ما تدري وين الصالح فيه .
انبسطي ولا تزعلي
ربي ماراح يكتب لك الا اللي فيه الخير لك

18 08 2009
TO0OP

ياقلبتي
ماتدرين وين الخيرة فيه
وبعدين هم الخسرانين

24 08 2009
شموخ

سارة
توووب

الحمد لله على كل حال …
شكرا لكم

8 10 2009
أم دينا

خيرها بغيرها ان شاء الله …

انا قبل 4 سنوات دخلت هالاختبار … تصدقون انه نفسه … ومثل ماقلتي احولت عيوني من الاختبارات … واحس اني تجاوزته بقوه … لاني كنت توني متخرجة وانا اوحيده حاسب … اغلبهم محاسبه واقتصاد ورياضيات …

بس حسيت اني خبصت معاها بالمقابلة الشخصية … ولا ردو علي …

صديقتي مشت معاها … وبعد هالاختبار ارسلوها لدوره شهر بالرياض … وبعدها اختبار ثم بالاخير قبلوها …

8 10 2009
شموخ

ام دينا
يله الحمد لله .. مكتوب
وابشرك تغير شغلي للاحسن .. الحمد لله

11 10 2009
ام المعاقين

احمل شهاده بكالريوس ومعهد معلمات وخبرات تطويريه اداريه حاسب قياديه ومدارس اهليه ومركز تاهيلبوزاره الشؤؤن بالرياض سنه والله اني ولله الحمد اقوم بشؤؤن اولادي كلها ومنتظمه اعود اليهم وليس لي معين الا الله وكفى وزوجي مريض
ولكن كل ما اطلب من شخص مساعده لا يفعلها لله فانسحب منها بعد مااعرف هدفه المقابله ليس لله فاتركها ومن ترك شيئا لله عوضه الله فاعتزلت اي رجل للمساعده لعل الله يفرجها بواسع رحمته اكتبها واشهد الله عليها وحمله عرشه ومعي كل مايثبت واحمل من يقراها الامانه وحجه عليه يوم القيامه اسال الله الفرج
اناشد من له الامر من نجد اللهم اجعلها حجه عليهم يوم لقا وجهك وعظيم سلطانك

26 12 2010
المحترم

متي التقديم علي صراف في مصرف الراجحي في المدينه المنورة2011

19 09 2011
نور

السلام عليكم ..

الله يوفقك اختي ويرزقك بوظيفة احسن منها ..
انا ارسلو لي عشان المقابلة ..
بس هي بالرياض ..وانا في تبوك ..
مادري كيف بمتحن ..يعني لازم اجي الرياض ؟؟
نوريني الله يسعدك ..

25 12 2011
shoodi

سلام عليكم ..
الله يعوضك ياقلبي .. عادي هم خسرانين
انا فاتتني المقابلة بعد شهر فتحت البريد الا واحصل لي مقابلة بالرياض ببنك الرجحي بفرع الحمراء :(
وارسل لهم ردو اذا توفر شاغر تواصلنا معاك
يعني انا ليل نهار بالنت لمن انقطع عنه تجي المقابلة
والله حلمي اتوظف ببنك

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s




تابع

Get every new post delivered to your Inbox.

%d مدونون معجبون بهذه: